Todos Los Derechos De Autor Reservados A Elnasr Industrial Trading Limited 2016

Medios de comunicación social

Medios de comunicación social

12.3K

elnasrltd

NATURE TASTE & FLAVOUR
منتجات طبيعية 100٪ من غير أي إضافات
تابعنا Follow us
#الطبيعي_أحلى

الشاي الاخضر و فوائده الصحي

الشاي الاخضر و فوائده الصحية🌱 #النصر
#الطبيعى_أحلى

بعض من فوائد الصمغ العربي ✨

بعض من فوائد الصمغ العربي ✨
Some of the many benefits of Gum Arabic ✨ #النصر
#الطبيعى_أحلى

أول يوم معيدين وين؟ 🥳 وتاني يوم مع منو؟ 🤩🙊والما بياكلو اللحمة.. كيف تمام؟ 😁😅
أسرة النصر بتعيد عليكم 🎊 وبتقول ليكم كل سنة وانتو طيبين ومطمئنين على أهلكم وأحبابكم وين ما كانو 😍🥰 إن شاء الله ينعاد عليكم بالخير والعافية 💚
💚 #النصر
#الطبيعى_أحلى

معلقتين من الصمغ العربي يوم

معلقتين من الصمغ العربي يوميًا تساعدك في إنزال وزنك و حرق الدهون الضارة. #النصر
#الطبيعى_أحلى

تؤمن شركة النصر بأهمية الدو

تؤمن شركة النصر بأهمية الدور الدي تلعبه المسؤولية المجتمعية، من تنمية للمجتمعات الصغيرة، رفع الوعي، ودعم أهداف التنمية، من وصول للتعليم الجيد ووضع صحي مناسب وغيرها.
وانطلاقاً من هذه المسؤولية، تم إنشاء مدرسة أساسية للبنين في منطقة الرهد ابو دكنة، وذلك في العام 2013.
تزايد إقبال الطلاب على المدرسة، فتم تشييد المزيد من الفصول لاستيعاب الطلاب والذين بلغوا أكثر من 426 طالباً والدفع بهم إلى منابر العلم المختلفة. وفي العام 2020 جلست لامتحانات شهادة الأساس أول دفعة للمدرسة مما زادنا فخراً على فخر 💚 #النصر
#الطبيعى_أحلى

حجّيتكم ما بجّيتكم، خيراً ج

حجّيتكم ما بجّيتكم، خيراً جانا وجاكم…
بدت حكايتنا يا جماعة من مدينة جميلة في غرب بلدنا، وهي مدينة أم روابة، الكلام دا كان في التلاتينات زماااااان، اظن لي من سنة 1936م، بدت الحكاية من بيت أسرة طيبة، قررت إنها تشتغل وتقيف على حيلها. بدت الأسرة شغلها من التجارة، اها كان بيتاجرو في شنو؟ قالو ليك كان بيتاجرو في المحاصيل الزيتية، بتخبرو يعني شنو محاصيل زيتية؟ سمح… وكانو بيتاجرو في الصمغ العربي، وكانو اذكياء وفلحوا في التجارة، لغاية بذر البطيخ دا دخلوهو في شغلهم وتجارتهم.. اها قام الشغل اتوسع، وقاموا عملوا أول عصارة وللا بتقولو ليها معصرة؟ سمح.. عملوا اول معصرة حديثة، المعصرة دي عملوها عشان ينتجوا زيت السمسم، وزيت الفول السوداني، وكان يا سلاااااااام زيت سمح بالحيل، ودي كانت انجازات اول جيل طلع من الأسرة الطيبة دي…
اها الناخد لي راحة شوية كدا واجي اواصل ليكم، واحجيكم وما ابجّيكم #النصر
#حكاوي_النصر
#الطبيعى_أحلى

حجّيتكم ما بجّيتكم، خيراً ج

حجّيتكم ما بجّيتكم، خيراً جانا وجاكم، جايين عليكم بالحكايا وبالهدايا 💚😍
تتوقعوا الجديد شنو؟ 🌚😌🥳
#النصر

❌ من الأخطاء الشائعة في الر

❌ من الأخطاء الشائعة في الرعاية بالنباتات المنزلية، واللي كتير من الناس بتقع فيها هي:
💦 الإفراط في الري، والخطأ دا بيتسبب في تعفن الجذور، وبالتالي موت النبات، ممكن نتفادى الخطأ دا بتحديد جدول معتدل للري وكميته.
☀️ عدم حصول النبات على ضوء كافي، الناس بتعتقد إنه النباتات المنزلية الداخلية ما بتحتاج لضوء، والحقيقة إنها بتحتاج لضوء غير مباشر، يعني لو خليتها جنب شباك أو مكان داخل منه ضوء غير مباشر للنبات؛ حيساعد النبات في إنه ينمو بطريقة صحية وما يكون باهت وصغير.
💧عدم وضع النبات في أصيص فيهو فتحات لتفريغ الماء الزائد، الخطأ دا بيتسبب في تراكم الأملاح في التربة، والملح الكتير بيمنع نمو النبات وممكن يذبل ويموت.
🪲 تجاهل الآفات، ودا أكبر خطأ، لأنه الآفات بتقتل النبات. ممكن نتفادى الخطأ دا بالأسمدة الطبيعية، والمبيدات المخصصة للآفات النباتية.
🪴 وضع النبات في أصيص صغير وضيق، ودا بيتسبب في إنه جذور النباتات تدور حول نفسها وتتشابك، والحاجة دي بتخلي النبات يجف بسرعة لأنه نسبة الجذور بتكون أكبر بالمقارنة مع التربة. 🌿 ورونا أخطاء اكتشفتوها اثناء اهتمامكم بالنباتات، وشاركونا صور لنباتاتكم في التعليقات 🌱🌿

زراعة الأعشاب في البيت ما صعبة زي ما كتير من الناس بيتوقعوا، خصوصاً الأعشاب البتستخدم بشكل يومي في المطبخ، حنوريكم طرق زراعة بعض الأعشاب زي النعناع، البابونج، الحرجل، الحلبة.
🌱النعناع بنزرعه عن طريق الشتلة، بنخلي النعناع في اناء فيهو ماء وأول ما يظهر الجذر بننقله على أصيص نحرص إنه يكون فيهو فتحات، وكمان ننتبه لي إنو التربة لازم تكون رطبة دايماً.
🌿ممكن نزرع البابونج باستخدام أكياس شاي البابونج من النصر، نفضي محتوى الكيس على أصيص فيهو تربة، وبعدها نغطيهو بطبقة خفيفة من التربة ونسقيهو يومي ونحرص على رطوبة التربة، وبعد ينمو النبات نعرضه لأشعة الشمس.
🪴أما الحلبة فعندها طريقتين بالنسبة للزراعة المنزلية، الطريقة الأولى إننا نجيب ماعون ونخت فيهو قطن، نبلل القطن تماماً ونرص فيهو بذور الحلبة، ونرشه بالموية كلما ينشف ونعرضه للشمس ساعة واحدة بس في اليوم، بعد أيام حتبدأ البذور في النمو وحتظهر أفرع خضراء جميلة. أما الطريقة التانية فهي إننا نجيب أصيص فيهو تربة مختلطة "طين ورمل" ونغرس فيها البذور ونسقيها بصورة منتظمة ويفضل يكون الصباح بدري، ونعرض الأصيص للشمس، بعد ينمو النبات ممكن نقص الأفرع بتاعته وحنلاحظ إنها بتنمو أسرع.
منتجات النصر بتتميز بإنها طبيعية 100%، لأننا بنهتم بكل نبتة على حدة، وبنحميها من كل الآفات والأمراض، لأنه في صحتها صحتكم 💚
مع #النصر #الطبيعي_أحلى #خليك_قريب
#ازرع_بالساهلة

🌸 البيت المليان نباتات بيخ

🌸 البيت المليان نباتات بيخلق طاقة جميلة وحيوية وروح لطيفة ورايقة، في نباتات زينة كتيرة والاعتناء بيها ما صعب.
🌺 لو انت مبتدئ، ممكن تبدا بنبتة الصبار، الاعتناء بيها سهل وبتتحمل العطش لو فاتت مواعيد سقايتها.
🌼 من النباتات البتعمل جو نقي هو نبات الأفعى أو جلد النمر، بيستحمل الضوء الشديد او الخافت، وبيحب الجو الدافئ، والري المعتدل.
🌻 نبات البامبو أو زي ما بيقولو عليها "جالبة الحظ السعيد"، نبات مريح والاعتناء بيهو سهل لأنه ما بيحتاج ضوء الشمس المباشر ولا بيحتاج تسميد وممكن ينمو في الموية من غير تربة.
🌷 نبات القفص الصدري، نبات شكله جميل جداً، بيحب الرطوبة جداً، ودا معناها انو بيحتاج يترش بي بخاخ المياه كم مرة في اليوم.
🌹 ضروري انو تنظف نباتات الزينة بي منديل مبلل كم مرة في الاسبوع، عشان تزيل الغبار العالق عليها وتستمتع بي لمعان النبات واوراقه. #خليك_قريب
#ازرع_بالساهلة

لازم نعرف نوع التربة الحنزر

لازم نعرف نوع التربة الحنزرع فيها شنو، تربة طينية، وللا رملية وللا تربة مختلطة ودي أكتر تربة مناسبة للزراعة المنزلية، اختيار التربة برضو بيعتمد على النباتات، التربة الرملية تهويتها عالية والطينية بتحتفظ بالماء وفيها عناصر مغذية للنبات والمختلطة فيها كل دا.
ومن الخضروات والفواكه الممكن نزرعها في البيت وطريقة زراعتها والاهتمام بيها بتتشابه منها:
🌿 الطماطم، ودي بتنمو في التربة الطينية، بتحتاج مكان دافي أولاً وبعد تبدا تنبت بتحتاج لضوء الشمس المباشر.
🌿 الباذنجان "الاسود" برضو نفس الطريقة بس بيحتاج نعمل ثقوب لتصريف اي مياه زايدة ولزيادة التهوية كمان.
🌿 الليمون بنزرع البذور في التربة وبنسقيها من مرة للتانية من غير ما نكتر الموية عشان ما تتعفن، واول ما تنبت كمان بننقله لمكان فيهو شمس مباشرة.
🌿 الفلفل برضو بتتم زراعته بنفس الطريقة، بس بيحتاج لتعرضه للشمس من قبل الإنبات.
معظم الخضروات والفواكه زي الجوافة والرمان وغيرها، طرق زراعتها بتتشابه، وأهم خطوة في الزراعة المنزلية هي التسميد، وتحديداً التسميد بالسماد الطبيعي، لأنه آمن على النباتات.
ممكن نجهز سماد طبيعي من:
🌿 بقايا الأكل، نخليهو يتحلل شوية وبعدها نضيفه للتربة.
🌿 وممكن نعمل سماد طبيعي من القهوة ودا سماد غني بالنيتروجين، نجيب تفل القهوة ونخلطه مع التربة بعد ينشف.
🌿 ومن قشر البيض ممكن نعمل سماد غني بالكالسيوم، نسحن قشر البيض وننثره على التربة.
💚🌿🌱🌳 #خليك_قريب
#ازرع_بالساهلة

الزراعة المنزلية أبداً ما م

الزراعة المنزلية أبداً ما موضوع صعب، كل العليك انك تقرا اكتر عنها عشان تمتلك المعرفة اللازمة.
🌿في نباتات بتتزرع عن طريق البذور، ودي أسهل طريقة للزراعة، يعني بتجيب البذور وبتغرسها في التربة وبتسقيها بصورة منتظمة وخلاص تنتظرها تنم.
🌿 في نباتات بتتززع عن طريق الشتلة، يعني بتجيب شتلة صغيرة من النبات نفسه وبتزرعها وتعتني بيها
🌿في نباتات بتتزرع عن طريق التعقيل، ودا بيحتاج عادة لشخص عنده خبرة كافية لضمان زراعة صحيحة للنبات
الزراعه بتطلب حاجات معينة ومعروفة، زي الأصيص الحتزرع فيهو، ودا عادة بيكون يا إما أصيص مصنوع من الفخار أو البلاستيك أو الخشب، كل واحد عنده مميزاته، زي مثلاً إنو أصيص الفخار بيحتفظ بالرطوبة لفترة أطول، بس الأهم في اختيارك للأصيص إنو تتأكد من وجود فتحات في الأسفل عشان تسرب الماء الزايد، وإنو يكون حجم الأصيص مناسب مع حجم النبات بتاعك.🪴
حنتكلم أكتر عن التربة، الأسمدة وسقاية النبات في البوست الجاي، خليكم قراب. 💚🌿🌱🌳 #ازرع_بالساهلة
#بذرة_و_محبة

نفسك تاكل مما تزرع؟ وتملا البيت شتول لكن ما عارف تعتني بيهم كيف؟ خليك قريب ومتابع، النصر حتوريك خطوة بي خطوة كيف تزرع جوة البيت وبرة البيت، بي طرق بسيطة ومواد بسيطة، حتخليك توفر حق الخضار وحق المشوار وتستمتع بجو نقي وصحي، مع خبير زراعي صاحب تجربة كبيرة في الزراعة المنزلية.. حنعرف معاهو طرق الزراعة بداية من البذور والتسميد، والاهتمام بالنباتات سواء كانت ظلية أو شمسية. خليك قريب وتاقي ناسك ومعارفك.
#خليك_قريب
#بيتك_اخضر

كلما زدنا غطانا الأخضر، كلم

كلما زدنا غطانا الأخضر، كلما بعدنا من التصحر، ازرعوا قدام بيوتكم وفي حيشانكم، في مدارسكم وجامعاتكم..
في مبادرات شالت على عاتقها المسؤولية وآمنت بيها، زي مبادرة @gogreensudan البتركز على المحافظة على البيئة، ومبادرة بيتنا أخضر البتهتم بإعادة ثقافة الزراعة في الأحياء وغيره.
وبالتزامن مع #اليوم_العالمي_لمكافحة_التصحر_و_الجفاف #النصر ح تطلق حملة مهمة ومميزة للغاية .. خليكم قراب 💚🌿🌴🌍🌱🌳

ملعقة واحدة منه يومياً مفعو

ملعقة واحدة منه يومياً مفعولها سحري على صحتك، تناول من #صمغ_النصر بشكل يومي وقيس الفرق 💚 #النصر
#الطبيعى_أحلى

يللا اتحفونا .. شنو السمح في

يللا اتحفونا .. شنو السمح في خشم سيدو؟ 😏
#الخميس_الونيس #النصر
#الطبيعى_أحلى

تحرص النصر على المحافظة على

تحرص النصر على المحافظة على سلامة المستهلك وذلك من خلال المحافظة على خلو منتجاتها الغذائية من أي مواد تضر بالإنسان والبيئة، باستخدام أسمدة وطرق طبيعية كبديل للأسمدة والمبيدات الكيميائية، وتعبئة دقيقة تحت ظروف بيئية آمنة.
#اليوم_العالمي_للسلامة_الغذائية #النصر
#الطبيعى_أحلى

رغم الظروف الاستثنائية، هم

رغم الظروف الاستثنائية، هم وأسرهم حاولو وقاومو، وعملو أكتر من العليهم .. ربنا يسهل عليهم ويوفقهم محل ما يقبلو 🤲🏾💚
#النصر بتتمنى للأبطال الصغار التوفيق والسداد ✌🏾
#فخورين_بيكم Photo ©️ Global Partnership for Education